तिरोडा/गोंदिया :- मनरेगाच्या कामा अंतर्गत भ्रष्टाचाराचे कळस सुरू असताना या शृंखलेत आणखीन एक भर पडली ती म्हणजे पंचायत समिती तिरोडा येथील ग्रामपंचायत जमूनिया येथे झालेला भ्रष्टाचाराची. येथील जिल्हा परिषद शाळेच्या क्रीडांगण सपाटीकरणाचे कामात झालेला भ्रष्टाचार गावातीलच रहिवासी किरण बनसोड यांनी मिळविलेल्या माहितीच्या आधारे सदर कामात लाखोंचा भ्रष्टाचार झाल्याचे पुढे आले आहे.
मनरेगाच्या कामाचे अनुसंगाने सदर काम हे मजुराच्या हातून करून घेणे असे नमूद आहे तरी या कामाचे कोणत्याही मजुराची काम न करून घेता, कामाच्या स्थळी उभे करून फक्त त्यांचे फोटो काढून त्यांनाआल्या पावली परत घरी पाठवल्याचे पुढे आले आहे. तसेच सपाटी करनासाठी लागणाऱ्या मुरुमाचे खोदकाम अवैध पद्धतीने करण्यात आले. सपाटीकरणासाठी सुद्धा जेसीबी ची मदत घेऊन काम परिपूर्ण करण्यात आले व या कामाचे मस्टर काढून मजुरांचे नावे दर्षाविण्यात आले.
मिळालेल्या माहिती च्या आधारे मजुरांकडून कामाचा पैसा देखील वसूल करण्यात आला.मजेची बाजू अशी की, ह्या कामासाठी कोणताही ग्रामसभेचा ठराव पास करण्यात आला नाही.त्यामुळे सदर काम मनमर्जी प्रमाणे आपसी संगनमताने सरपंच, रोजगार सेवक व मनरेगा अभियंता यांनी अपेक्षित मुरूमाचे उपयोग न करता कामाचा दर्जा घसरवला व विद्यार्थ्यांचे जिवाशी खेळ केला असे आरोप सामाजिक कार्यकर्ता किरण बनसोड यांनी टीम अवेकिंग न्यूज शी बोलताना केले. वरिष्ठ अधिकाऱ्यांनी सदर कामाची तत्काळ दखल घेऊन कायदेशीर कार्यवाही करण्यात यावी अशी मागणी तक्रार कर्त्यानी केली आहे.
