नवेगावबांध दि.११.:- सम्राट अशोक विद्यालय उमरी येथील विद्यार्थ्यांनी अर्जुनी मोरगाव येथे झालेल्या शालेय मैदानी स्पर्धेत यश प्राप्त केले आहे.१७ वर्षे वयोगट मुली गटातून ३००० मिटर धावणे स्पर्धेत विद्यालयाची इयत्ता ९ वीची विद्यार्थिनी दुर्गेश्वरी संतोष सयाम हिने तालुक्यात प्रथम क्रमांक पटकाविला आहे.
तसेच १७ वर्षे वयोगट मुली १५०० मीटर धावणे स्पर्धेत विद्यालयाच्या इयत्ता १० वीची विद्यार्थिनी सोनल राजेश मेश्राम हिने तालुक्यातील द्वितीय क्रमांक पटकाविला आहे.तर विद्यालयाचा इयत्ता आठवीचा विद्यार्थी लक्की ओमकार सोनटक्के याने १४ वर्षे वयोगट मुले ६०० मीटर धावणे या स्पर्धेत तालुक्यातून द्वितीय क्रमांक पटकाविला आहे.विद्यालयाचे हे तिन्ही विद्यार्थी गोंदिया येथे होणाऱ्या जिल्हास्तरीय स्पर्धेत अर्जुनी मोरगाव तालुक्याचे नेतृत्व करणार आहेत.
तिन्हीही खेळाडू विद्यार्थ्यांचे विद्यालयात पुष्पगुच्छ देऊन संस्थेचे सचिव एल.आर.भैसारे,मुख्याध्यापक एस.एस.टेंभुर्णे व शिक्षकांनी अभिनंदन करून यशस्वी खेळाडूंना जिल्हास्तरीय स्पर्धेसाठी शुभेच्छा दिल्या आहेत. यावेळी एस.व्ही.बडोले,जे.एस.हटवार,एम.यु.घरोटे,लता टेंभुर्णीकर,गौरव चव्हाण,राकेश वालदे,बापू पंचलवार,सीमा सोनवाणे, सोनल झिंगरे उपस्थित होते.
शारीरिक शिक्षक एच.एस. पात्रीकर यांनी कार्यक्रमाचे संचालन करून,उपस्थितांचे आभार मानले.कार्यक्रमाला विद्यालयातील शिक्षक,शिक्षकेतर कर्मचारी व विद्यार्थी बहुसंख्येने उपस्थित होते.
