गोंदिया :- जिल्ह्यात राहणाऱ्या मानवधर्माच्या सेवकांनी त्यांच्या भावना दुखावल्यामुळे पोलीस स्टेशन दवणेवाडा येथे तक्रार दाखल केली आहे.
त्याचे सविस्तर असे की, (दि. 29 सप्टेंबर) रोजी आरोपी मुकेश प्रकाश सावरबांधे राहणार बामणी या तरुणाने आपल्या मोबाईल वरील व्हाट्सअप स्टेटस बाबा जुमदेव यांचा व्हिडिओ बनवून अश्लील भाषेत शिवीगाळ करून त्यांची अवमानना केली आहे. त्या विरोधात जिल्ह्यातील अनेक सेवकांनी आरोपीला अटक करून कठोर शिक्षा देण्यात यावी अशी लेखी तक्रार पोलीस निरीक्षक यांच्याकडे केली आहे. यावेळी तक्रार करते हितेंद्र लीलारे, यशवंतराव माहुरे, जगदीश प्रसाद श्रीवास्तव, नितीन बिंजाळे, मधुकर परिहार व परिसरातील अनेक सेवक व सेविका उपस्थित होते. परिसरात होत असलेल्या अशा घटनांनी सामाजिक स्वास्थ धोक्यात येते. प्रशासनाने याकडे त्वरित लक्ष देऊन जन भावनेच्या आदर करणे अपेक्षित आहे.
