गोंदिया :- ‘शिक्षण हे वाघिणीचे दुध आहे, जो प्राशन करेल तो गुरगुरणार’ हे तेवढेच खरे आहे. शिक्षण माणसाचा तीसरा डोळा आहे. शिक्षणाशिवाय मानवाचा उध्दार नाही. म्हणून प्रत्येकाला भारतीय संविधानानुसार शिक्षणाचा हक्क आहे. तो सर्वांनी घ्यावा. उच्चशिक्षित बनावे. तर जीवनाला आकार मिळतो. हेच उद्दिष्ट डोळ्यासमोर ठेवून आवडीचे शिक्षक बनून विद्यार्थ्यांनी उद्याचे भविष्य आरंभिले. हे गरजेचे आहे.
गोंदिया तालुक्यातील नंगपुरामुर्री येथील अनुसूचित जाती व नवबौद्ध मुलांची शासकीय निवासी शाळेत शिक्षक दिन साजरा करण्यात आला. यावेळी डॉ. सर्वपल्ली राधाकृष्णन यांची जयंती साजरी केली. मंचावर शिक्षकांची भूमिका साकारणारे सर्व विद्यार्थी उपस्थित होते. अभिवादन करून शिक्षक झालेले विद्यार्थ्यांनी आपले मनोगत व्यक्त केले.
विद्यार्थ्यांनी शाळेत स्वयंशासन उपक्रम राबविला. यामध्ये मुख्याध्यापक म्हणून डेव्हिड जांभूळकर, गृहपाल सुशांत वालदे मानव गोंधूळे, समीर खोब्रागडे, आदर्श तिरपुडे, रेयांश वालदे, समंथ भोवते, आदी विद्यार्थ्यांनी सहभाग घेऊन यशस्वी केला.
आवडीच् अभ्यासक्रम शिकविला
विद्यार्थ्यांना आवडणारा पाठ्यपुस्तकातील अभ्यासक्रम शिकवून शालेय विद्यार्थ्यांना मंत्रमुग्ध केले. वाणी, स्वर, वाचनाची गोडी, अशा सर्वप्रकारे आदर्श शिक्षकांची लक्षणे अंगीकृत करून शिक्षण दिले.
या उपक्रमाचे मुल्यमापन करण्यासाठी आशिष शहारे, मुन्नाभाई नंदागवळी, साधना पारधी, नीता भलमे, प्रदीप ढवळे, पी. ए. लांजेवार, कार्तिक शहारे, दीक्षा तुरकर यांचा समावेश होता.
