गोंदिया:- मुंबई – कोलकत्ता रेल्वे रूट वर असलेल्या गोंदिया स्थानकावरील प्लॅटफॉर्म क्रमांक तीन वर सकाळी साडेदहा वाजे दरम्यान उभे असलेल्या दुर्घटना राहत चिकित्सा वाहनाच्या बोगीमध्ये अचानक आग लागल्याने एकच खळबळ उडाली. आगीचे कारण अद्याप स्पष्ट होऊ शकले नाही. मिळालेल्या माहितीच्या आधारे शॉर्टसर्किटने सदर आग लागली असल्याचा प्राथमिक अंदाज वर्तवला जात आहे. सुदैवाने या घटनेत कोणतीही जीवित हानी झाली नाही. आगीचे लोन पसरताच सगळीकडे धूसर वातावरण निर्माण झाले.
तेव्हा तेथे उपस्थित रेल्वे अधिकारी कर्मचाऱ्यांनी घटनेची गंभीरता समजून तातडीने आग आटोक्यात आणण्यासाठी शर्तीचे प्रयत्न केले. या घटनेची माहिती देण्यासाठी अग्निशमन दलाला अनेकदा दूरध्वनीवरून संपर्क करण्याचा प्रयत्न केला मात्र त्यांच्याकडून कोणताही प्रतिसाद मिळाला नाही असे रेल्वेचे अधिकाऱ्यांनी सांगितले. दरम्यान आग लागलेली बोगी पूर्णपणे जळून खाक झाली. यावेळी शेकडो प्रवासांच्या मनात भीतीदायक वातावरण निर्माण झाले होते.
उभ्या गाडीला अचानक पणे आग लागणे तेही पावसाळ्याच्या दिवसात…! तांत्रिकदृष्ट्या या घटनेची शक्यता नाकारता येत नसली तरी चौकशी अंति सदर घटनेचा कारण स्पष्ट होईल का याकडे प्रवासांचे लक्ष लागले आहे.
